Katy Perry-i Planned Parenthood nem $10,000 tenla agütsü

November 14, 2016: Donald Trump-i US Tir election nung takok anguba sülen lai Planned Parenthood nem US sen 10,000 tenla agütsüogo.
Kentener, Perry-i, tang mapang ya jembia alibatem mapa inyaktsü mapang lir, ta ashi.
Trump-i election nung takok anguba ajanga Republican sorkari senotsü teyari magütsütsü telemtetba agira Planned Parenthood ama tentettemi timtem ajurutsü südi, ta America nunger aikati bilemer.
Perry-i tenla agütsüba indang noksaji Instagram ajanga lemsatep. Perry-i US Tir election nung Hilary Clinton pusema liasü aser lai la sapurtem dang, “Tang mapang ya jembia alibatem mapa küma inyaktsü mapang lir,” ta ashi.
Perry-i, “Teinyaktsü aika lir, saka ni mezüng nangzükbaji tentettem nungita yaritsü lir, kechiyong tarutsü nung sorkari parnok senotsü agi meyaritsü akok,” ta ashi. “Ni Planned Parenthood nem tenla agütsür, ni Santa Barbara aser Los Angeles nung clinic aika semdangogo,” ta ashi.
“Planned Parenthood yagi kü temang indang aser reproductive health indang tesayuba agütsü, ibayongji ni kü nükjidongtem nung rangloktet,” ta ashi.
Planned Prenthood-i la meyari asübo lai tanga lenmang ka shimer lila, ta laisa ashi.
Perry-isa la sapurtem dang la sülen anidaker tenla agüjang, ta ajungshi.