Katy Perry indang Twitter account kari lapoka amshi

Los Angeles, May 31, 2016 : Kentener Katy Perry indang twitter account hacker kari lapoker tweet tamajung kar post asü.
“Dark Horse” ken atenla meyong Twitter account ya Hombar May 30, 2016 nü hack asü aser parnoki tweet aika yokba nung la “Black Space” ken atenla, Tayor Swift den mangatettep adokba den liasü, ta E! online osang ajanga metetdaktsü.
Nikongdang 12:00 ako meta arishi küm 31 tain, Katy-i Hillary Clinton Memorial Day atema yokba message ka tanaben yokshi.
Iba sülen gondha pongu lir külen hacker temi la indang twitter account lapoka tweet mashi mashi kar post asü.
Item hacker tem yagi Taylor Swift dangi “Miss you baby” ta Katy-i yoker ama tweet asü.
Parnoki post asüba tweet ajak minute 15 tsüngda nung intoker liasü. Ajisüaka hacker tem indang twitter account @sw4ylol ajanga Katy indang ken “Witness 1.3” lemsatepa liasü.