Kazakhstan gari lendong nung 52 rongset

Astana, Aenjeti 18 (Agencies) : Tanü Yangtepnü Kazakhstan anüolentip tsütsü bus gari ka tuodak nung mi aploka idakji mena aliba nisung 52 rongsetogo, ta emergency services ministry ajanga metetdaktsü. “Tanep Aenjeti 18 anepdang 10:30 ako meta mi aplokba gari nungji passenger 55 den gari anir ana densema ajak agi parnok 57 liasü. Parnok rongnungi passenger par pongu anepaludagi saka tanüngba ajakji süogo,” ta tongmelang agi dang ministry-i metetdaktsü.