Kazakhstan sorkar office tem nung smartphone mamshidaktsütsü

Sydney, March 19 (Agencies) : Tongtibang osang prokshia aoba nokdangtsü nükjidong nung Kazakhstan sorkar office tem nung inyakertem aser nüngdak atema office temi aoertem ajak office nung smartphone amshitsü memelatsü. Parnok smartphone temji reception nung yutsür ang office telungi aitsü melatsü ta tang inyakyim tasen ka ajanga tetuyuba agütsüogo.
www.sbs.com.au sangdong ka ajanga ashiba agi, sorkar office nung inyakertem aser nüngdak arurtem shinga smartphone amer sorkar office telungi meyoktsü.
Sorkar osang ka osangbenertem nem metetdaktsüba nung ashiba agi, sorkar mapa nung ketdangsertem aser civil servant tem ajak March 24, 2016 nü nungi office telung nung smartphone mamshidaktsütsü.
“Mapang aika nung WhatsApp mobile application ajanga office indang tongtibang osangtem prokshiba ajangshir anungji sorkar mapa inyakertem ajak smartphone masü saka camera maliba aser internet mamshitetba phone tem ang amshitsü shia lir, ta kasa sangdong ajanga metetdaktsü.