Kaziranga National Park nung kentok ka tepsetogo

Guwahati, October 3 (Agencies): Ozüng alema arem shiruru tepsetertemi Kaziranga National Park nung ano kentok tezü ka keta aliba ka tepsetogo, ta Park ketdangser kati Honibar nü metetdaktsü.

Park nung ketdangsertemi ashiba agi, iba tatalokba ya Burhapahar range nung aliba ‘UNESCO World heritage site’ nung atalok.

“Prangpong ola angashili park anükertemi operation tenzük. Ozüng alema benshir parnok pezü arem anükertemi pua merenshi saka parnok tanaben jena oadok. Onoki kentokjibo tezü denaji nguteta lir,” ta ketdangserisa ashi.

“Kentok kahsetba tesem nungi onoki AK prangpong ka nung night-vision scope enoker injanga kar dena nguteta lir,” ta ketdangser jagisa metetdaktsü.