Kaziranga nung gari speed tendangtsü

Guwahati, Aami (June) 22 (Agencies): NH-37 nung garitemi shirurutem tsüksetba noktangtsü atema Kaziranga National Park (KNP)-i mobile applications ajanga gari indang speed mita reprangtsü.
Iba ya talisa tzümetsüng mapang mita reprangtsü. Golaghat nung aliba National Informatics Centre-i mobile-based apps yangluogo aser iba ajanga tzümetsüng mapang shirurutem highway ajangdang metsüksettsü atema mita reprangtsü, ta KNP ketdangsertemi ashi.
Tzümetsüng kanga asüdang KNP-i highway nung 40 km/hr speed limit agütsütsü. Iba tenokdangbaji Amguri point nungi Panbari point tashi asütsü ta ketdangsertemi metetdaktsü.
Iba ozüng mapa küma tenzükba sülen KNP ketdangsertemi aibelenertem sen 5,000 senchi achitsü telemtetba agiogo.