Kaziranga nung kentok tetsü ka kahset

Jorhat, June 19 (Agencies) : Assam kübok Kaziranga National Park nung ozüng alema shikarirtemi kentok tetsü ka tepset aser tezü bener ao, ta forest ketdangser kati ashi.
Bagori Range kübok Amkattoni camp anasa kentok mangji angu. Iba tesem nung 303 rifle injang teküp 6 angu, ta DFO, Subashis Das-i ashi.
Yashi DGP Mukesh Sahay-i Kaziranga National Park (KNP) kübok Kohora Range office nung KNP officials & security personnel, Forest Derpartment officials, Village Defence Party (VDP) personnel aser police ketdangsertem den senden ka amen. Iba mapang pai KNP nung aliba kentok aser tanga shirurutem kümzüka ayutsü atema meranga inyaktsü ayongzük.
June 6, 2016 nü Assam Forest Minister den Minister ana aser tongti Forest Department ketdangsertemi KNP semdang aser iba mapang ozüng alema shikarirtemi kentok ka tepset.
Forest Minister Pramila Rani Brahma aser lar cabinet züngsemtem- Kesab Mahanta o Atul Mahanta nungeri Principal Chief Conservator of Forest aser tanga tongti Forest Department ketdangsertemi kentok tepsetba aser ali anenzüka aoba onüktem osang metetpelatsü atema KNP semdanga liasü.
British nunger tamarener apuani- Duke aser Duchess of Cambridge Prince William o Kate nati taküm April ita KNP semdangi arudanga, ozüng alema shiruru kahsetertemi AK-47 assault rifles amshia kentok tebung ka kahset.
June 17, 2016 nü Assam sorkari Kaziranga National Park Director, Mufakkher Ali mapa nungi anenja atar ta tetuyuba ka agütsüogo.
June 7, 2016 nü Forest Minister-i Park semdangba mapang ozüng alema shikarirtemi kentok ka tepsetba miimbangtsü merangba atema tai tonglokja Mufakkher mapa nungi anentsütsü telemtetba agi.