KBA-i New Kothin Baptist Arogo nung asentenshi sentong katsü

Dimapur, April 24 (TYO) : Khar Baptist Arogo mission board-i ayonga New Kothin Baptist Arogo, Nocte Arunachal nung asentenshi sentong ka April 15-17, 2016 tashi kanga temoatsü ngua agiogo.
Iba Arogo ya kanga dang kara ainba Arogo ka lir, Arogo tenzüker küm ishika tsüngda nung tamanger kibong 23 kümogo, ano Tsüngremer tenyaba wadang tulu inyaktsü anünga ali nung amangbapur ajaki sarasadem nung yaridaktsüner, ta Khar Baptist Arogo sannüker-i sangdong ka nung metetdaktsü.
Iba sentong nung tongti o jembirtem, Rev. Dr. A. Wati Jamir, Mission Co- ordinator KBA, Rev. Wati, Home Evangelist MTBA aser Mr. L. Kumzuk Walling, Pastor KBA nungertem liasü.
Iba sentong asoshi kija aser kibongtemi sarasadem, rongsen aser nübu tenla agüja yaritepba atema Arogoi kanga pelar ta sangdong nungsa shia lir.