KBES kübok Reverend 74 buba shimogo

Dimapur, September 27 (TYO) : September 27, 2015 nü Kohima Lotha Baptist Arogo nung Associate Pastor, K. Benry Lotha nem Reverend agütsüogo.
K. Benry Lotha ya Kyong Baptist Ekhumko Sanyrutsu (KBES) kübok Reverend 74 buba lir aser tanü KBES Executive Secretary, Rev. M.C Kithan-i pa meshiteta moatsü.
Iba sentong nung taoba Eastern Theological College Jorhat Principal, Rev. Dr Ezamo Murry-i o tatsüka jembidang ashiba agi Reverend jenjang angubaji menden temabai aturba masü saka Tsüngrem yimli tuluba yangertsü atema tebilemtsü khuret talila benokba dang lir.
Sentong nung mendenji KLBC sannüker Rev. Mhathung Lotha liasü, KLBC choir-i ken k aten aser Rev. John Ovung-i temoatsü meshia sarasadem.