KBES Women Wing lokti mungdang tembangogo

KBES Women Wing lokti mungdang tembangogo

October 25, 2015 nü KBES Women Wing General Conference nung Lotha Baptist Church Diphupar choir-i Halleluyah Chorus adenba noksa nung angur.

Dimapur, October 25 (TYO) : October 25, 2015 nü Lotha Baptist Churches Association Women Department indang anogo asemnü lokti mungdang tembangogo.
Tanü tekülem sentong nung tongti o jembirji taoba General Secretary KBES Women Department Lichilo Lotha liasü.
Lichilo Lotha-i “Women cross bearers are agents of Peace” onük nung ajemdaker jembidang ashiba agi, “Yisu Khrista-i Kangkiji bendanga agütsüba, timtem, tokrong, tatok agütsüba, ajemalu, taremzük aser ano tanga aika nung ajemdaker aben.”
“Tanü nai abenba kangki nungji itemji dena lir mali?” ta lai asüngdang aser laisa tetsürtem dang pei kibong, kin aser lokti nung yimjung bener arutsü aser temelenshi bener ka ka asütsü ayongzük.
Sentong nung Joint Director, DRDA Kohima, J.Thungjamo Khuvung-i tajungshi o jembi aser Shaki Baptist Church tetsür tesayula Yirenbeni Tsanglao-i lai azüng.
Nikongtsütsü agiba sentong nung o jembirji Dimapur nungi Abeni Ezung liasü aser lai “The cross is the secret of success in Women Ministry” onük jembi. Sentong nung Lotha Baptist Church Diphupar choir-i Halleluyah chorus aten.
KBES Women Wing indang 65 buba General Conference ya Lotha Baptist Church Diphupar-i October 23 nungi ayongzüka agi.
Taruba General Conference ji 2018 nung amungtsü aser iba asoshi Kohima Lotha Baptist Church-i nangzükogo.

You must be logged in to post a comment Login