KCR maneni TRS Tir shimogo

Hyderabad, April 21 (Agencies): Hokolbarnü Telangana Chief Minister, K Chandrasekhar Rao maneni Telangana Rashtra Samiti (TRS) Tir shimogo; iba party ya pai 2001 küm tenteta liasü.
Telangana home minister aser election officer, Nayani Narasimha Reddy nati, Rao Tir maneni inyaktsü atema ajaki melunga shimogo, ta metetdaktsü.
Telangana state metentetdang Andhra Pradesh Legislative Assembly nung Rao ya deputy speaker inyaka liasü. Iba mapang nungji N Chandrababu Naidu Chief Minister liasü, ajisüaka Telangana state jenjang akhangtsü nükjidong nung Rao-i TDP toktsür 2001 küm Hyderabad nung TRS tenteta liasü.
2014 Assembly elections nung TRS-i takok anguba sülen Telangana nung mezüngbuba chief minister ji Rao akum.