KDCC-i Apok Jamir yaritsü lemtet

Kohima, Monupii/May 23 (TYO): Monupii/May 28, 2018 nü agitsü aliba Nagaland Parliamentary Constituency atema Lok Sabha bye-election dak sendakba nung tanü Kohima nung aliba Congress Bhavan nung Kohima District Congress Committee (KDCC) rongdak senden ka menogo, ta tanü KDCC Tir, Kevi Viso-i sangdong ka nung metetdaktsü.
Iba senden nung Frontal Organisations ajak- District Youth, District NSUI aser District Mahila aser Assembly Constituency Congress Committee tenet nungi Tirtem aser district Pradesh Congress Committee (NPCC) züngsemtem aden.
O lemtepba süslen NPCC-i NPF-i secular party candidate, C Apok Jamir yaritsü atema bangzünga aliba ama pa yaritsü lemtet, ta sangdong nung shia lir.
“Apok Jamir-i taoaba mapang Rajya Sahba nung Parliament züngsem aser state nung taoba MLA inyaka aika ajangshia alibaji KDCC-i meteta lir, anungji pa dak alaka tanga candiodate-i Parliament nung Naga nunger ama meinyatettsü. Anungji KDCC-isa tanga secular party tem aser state nung tangartem tanga C Apok Jamir nem vote agütsütsü ayongzüker,” ta kasa sangdong ajanga metetdaktsü.