KDLSA-i essay competition ayongzüka National Legal Services Day among

Dimapur, November 9 (TYO) : Hombarnü Nagaland kübok district balala nung National Legal Services Day ayongzüka mungogo.

Kohima District Legal Services Authority (KDLSA)-i iba anogomung nüngtem nung “Fundamental Rights & Duties of a citizen” onük nung Essay competition ka ayongzüka agi.

Iba sentong nung mendenji Panel Lawyer KDLSA, Sunjib Rana liasü aser pai legal services tenzükba, 1987 küm linük nung legal Services Authorities Act yangluba aser November 9, 1995 nü iba ozüng amshi tenzükba osang metetdaktsü.

Sentong nung Chief judicial Magistrate, Kohima & Secretary KDLSA Mezivolu T Therieh-i Kohima nung Government Higher Secondary Schools asem – TM Government Higher Secondary School, Seikhazou Govt. Higher Secondary School aser Ruzhukhrie Government Higher Secondary School Principal ajak dang pelaba metetdaktsü.

Deputy Commissioner Kohima & Ex-Officio Member KDLSA, Rovilato Mor-ia Kohima District Legal Services Authority, Kohima dang sentong tajung ayongzükba atema tenüngsang agütsü.

Tanü tetoktepba nung class 11-12 kaketshir 26-i shilem agi aser parnok rongnungi takok angurtem yamai liasü. 1st: Lithrongba, T. M. Govt. Higher Secondary School, 2nd: Keneitseinuo Pienyu, Seikhazou Govt. Higher Secondary School, 3rd: Themshao, Ruzhukhrie Govt. Higher Secondary School, 4th: Vedulu Ringa, T.M. Govt. Higher Secondary School, 5th: Nokton, T.M. Govt. Higher Secondary School.

Tanü Mokokchung nunga Mokokchung Law College nung Mokokchung District Legal Services Authority (MDLSA)-i National Legal Services Day ayongzüka agi.

Iba anogomung tenüng nung essay tetoktepba ayongzüka agi aser Mokokchung den temeket nung aliba High School aser Higher Secondary sections nungi kaketshir 20 shi kati shilem agia liasü.

Tanü essay tetoktepbatemji MDLSA züngsemtem tetendanga reprangtsü aser Hokolbarnü (November 13) nü sangdongtsü.

November 13 & 14, 2015 nung Longkumer Kilem, Mokokchung nung Legal Services indang training-cum-sensitization programme agitsü aser iba mapang essay nung takok angur nem sempet agütsütsü.

Dimapur nunga DDLSA-i St. Stephen’s Hr. Secondary School, Dimapur nung azüngertem asoshi essay competition ka ayongzüka agi.

Sentong nung mendeni Duvelu Shashi, Panel Advocate, Dimapur liasü aser Sentimenla, Panel Advocate, DDLSA-i Legal Services Day, ‘Fundamental Rights & Fundamental Duties of every citizen’ indang onük jembi.

Class 11 aser 12 nung azüngertem asoshi essay tetoktepba nung class 12 nungi Botoka-i mezüngbuba jenjang, class 11 nungi Heji Magh-i tanabuba aser Setuo Angami o Yangersangla nati tasembuba jenjang takoktem angu.

St. Stephen’s Hr. Secondary School, Dimapur, Teacher in-charge SI Loreson-i iba sentong ayongzüka agiba atema Nagaland State Legal Services aser DDLSA dang pelaba metetdaktsü.