KDLSA-i JJ stakeholders den workshop ayonga agi

Kohima, August 25 (TYO): August 25, 2017 nü DC Conference hall, Kohima nung Kohima District Legal Services Authority (KDLSA)-i Juvenile Justice (JJ) stakeholders den workshop ka ayonga agiogo.
Sentong nung Panel Lawyer KDLSA, Apila Sangtam-i Juvenile Justice Act, 2015 indang metetdaktsü.
Kasa sentong nung Khriehuzo, CWC Chairman, Pelemenuo, Probation Officer Observation Home Kohima, Neinguvinuo Kulnu, Child line Kohima & Puvezo, District Child Protection Unit (DCPU) nungeria jembi. Iba sülen shisa lemsatepba sentong ka agi.
Iba sentong ya Mhayani Kikon leniba nung agi, aser Panel Layer KDLSA, Yangpila Anar-i tepela anküp o jembia liasü.