Kiphire, May 28 (TYO): Tanurtem nem legal aser tanurtem temeten metetdaktsütsü nükjidong nung May 28, 2017 nü Kiphere nung Kiphire District Legal Services Authority (KDLSA)-i legal awareness den Protection of Children from Sexual Offence (POCSO) Act, 2012 indang ‘quiz’ tetoktepba Sangtam Baptist Church Sunday school tanurtem atema katsüogo.
POCSO Act indang jembidang Panel Lawyer KDLSA, Hotingkiu Sangtam-i tanurtem kümzüka ayutsü atema benokba Acts balala indang tanurtem nem rajema lidaktsütsü nüngdak, koba ajanga tanurtem tarutsü tia junga yangertettsü, ta metetdaktsü.
Paisa, POCSO Act ya azüabong tsütsü ozüng alema arishi küm 18 tekübok tanurtem anema inyakba nungi kümzüktsü atema lir, ta ashi.
Sentong nungsa quiz tetoktepba nung tanur 100-i shilem agi aser mezüngbuba jenjang asem nung takok angurtemji- Alina, Atsala aser Tesila nunger liasü.
KDLSA-i legal awareness aser ‘quiz’ tetoktepba ayonga agi added by nungsang on
View all posts by nungsang →
You must be logged in to post a comment Login