KDVA Foundation Day September 12 nü amongtsü

Kohima, September 10 (TYO): Kohima District Volleyball Association (KDVA)-i par 10 buba Foundation Day anogomong sentong tan September ita 12 anündang 12:00 ako nungi tenzüka Zana nung amongtsü sentong renemogo.
Henilo Thong-i anitsü renemba sentong nung KDVA Tir, Visaielie Souhu-i Tir onük jembitsü aser Teisobou Sekhose, DSO & Administrator, IG stadium, Kohima-i tayongzükba onük jembitsü renema lir.
KDVA nung züngsemtsü jangrartemi züngsemtsü shiti Kohima District Congress Committee (KDCC) office nungi sen 50 agi alizüker külen kasaji züngsemtsü taa sen 500 den passport noksa 2 office ket temonoba agi tan September 12 nü tongtsütsü temetettsü olen ka KDVA-i metetdaktsüogo.
KDVA tentetba anogomong sentong nung KDVA züngsem aser KDVA pusemer ajungai shilem agitsü tayongzükba olen ka KDVA-isa metetdakja liasü.