KDVA lokti senden July 27 nü jateper

Kohima, July 22 (TYO): Kohima kübok KPC conference hall nung Kohima District Volleyball Association (KDVA) lokti senden tan July ita 27 nikongtsütsü 3:00 ako nungi tenzüka amentsü ayongogo.
KDVA züngsem aser KDVA pusemer ajungai iba senden nung shilem agitsü tayongzükba olen ka KDVA-i tanü sangdong ka ajanga metetdaktsüogo.
Ano, “11 buba KDVA foundation anogomong taküm September ita 3 nü amongtsü renema lir,” ta shia, KDVA nung tan asensa züngsemertemi tenüng züluoktsü sen 500 aser tejen züngsemtemi pei tenüng tanaben züluokshitsü sen 200 temonotiba agi September ita 3 nü tashi nung KDVA mendenpur ket tongtsütsü temetettsü olen ka kasa sangdong ajanga metetdakja liasü.