KDVA Volleyball clinic sentong tenzükogo

Kohima, August 24 (TYO): Kohima District Volleyball Association (KDVA)-i ayonger külen Kohima kübok Indira Gandhi Stadium nung Kohima district volleyball clinic sentong tanü Hombar nü tenzükogo.

Manipur nunger international referee 2, Romeo Singh aser Baleswar Singh nati tesayuba agütsüba sentong nung nisung 30 shi tanü shilem agia liasü.

“Volleyball asayartemi volleyball den sentakba temzüng ozüng kanga junga metettsüla aser kasaji aimebeleni benshitsüla,” ta Romeo-i tanü tetenzükba sentong nung metetdaktsü.

“Serve, pass, set, attack, block aser dig nunger densema volleyball asaya nung tongti shilem 6 lir aser shilem shia den tasa balala sentaka lir. Ano, volleyball asaya indang tongti temzüng ozüng 28 tashi lir,” ta pai sentong nung shilem agirtem dang rasa ashi.

Romeo o Baleswar nati taruba anogo 5 tashi iba sentong nung shilem agirtem nem theory aser practical tesayuba agütsütsü renema lir.

Ano külen, “KDVA-i ayongba sentong nung aikati arua shilem agiba atema kanga pelar. Iba sentong nung shilem agirtemi anogo shia arua tangazükba tulu angutsü ajungshir,” ta KDVA Tir, Visasaielie Souhu-ia tanü metetdaktsü.