Kechiba lendong atalok nung nüpurtem dang tongloktsür?

– I. Meren Lemtur, Tzüdikong.

11.07.17 Monglbar anogo nung Dimapur Dhansiri apu chirepa dak sendakba nung PWD(R&B) department dang ya nüpurtemi tasüngdangtsü O karbo ali amai nibo bilemer. Osang  nung ashiba agi, joko apu tejen kümer tashimait akümba ajanga 2015 küm deptt-i nisungtem dang mesenzütsü asoshi osang metetdaktsü,ano nisungtemi iba apu telong nungi lisem ayaba agi apuji tashi mait akümba ajanga ta asür,süra PWD(R&B) departmenti apu majung ta metetaka küm pezü tashi süoki mai otang toktsür tanü apu chirepa nisung aser rongsen  sama tashi nung nüpurtemang tashi mangaba ama tai  tonglokja jembiba yabo tim masüba ta shiteter. Ano apu chirep tashi nungang PWD(R&B) department nem crore 37 agütsüba meteter. Süra govt-i sen crore 37 tashi sanction sür yabo dangsa inyaktsü mapa ta metetsümonga dang tashi mapa meinyaki tokja arur dang lendong tulu ataloka nisung taküm samaerang tenük tenarong laboker na ta kanga sasaa bilemtsür. Aser iba ama O jembiba yabo ochimashi aser nüpur asoshi bilema maliba department ta jangjar.Dimapur ama yimti tulu nung departmenti kiojen aser apu item ama ya mapang shidak nung kanga nendaka reprangshirangtsü nüngdaker. Tang koba lendong ataloker iba ya tangar bendanger tsüngdang asen nüpur mashimaluba sayuba maksütsü lendong  ka atalokago ta bilemer.Kechiaser tangarbo yashiang Assam aser Arunachal tsüngda ghonda ka intoka jajaba apu talang küm ishika nung renemteter alima dang nüngtugu süa inyaktetba department tashi aitba mapa ya asen nüpurtemi khen metemdanga shisadangtsüla .Saka asen lima PWD(R&B) department-i apu meter ishika küm asem pezü tashi oaka süoki mai aruba ya tansütsü sür tarutsü nungi iba ama nübor tesama tia majirutsüsa ochishia mapatem inyaktsüla ta tatsü agi lemsateber. Tsüngremi asür kibongtem nüm taochi anisüngzük agüjang ta sarasademtsür.