Kechiba tendanger ? – T.ken 66;8-20

Iba ken ya tasü meiti alirtem asoshi lir. ” Kintemi Tsüngrem moajang, aser Pa nüngsangba ola angashidakjang” (t.8) Kechiba ? “Pai asen taküm sotta lir. ” Kechiaser Pa dak asenok alir, arakzür, aser taküm alir; nenok pei ken mejemer kari ashi ama”( t.m. 17:28). Anungji asenoki Pa tenüng sangdi.
“Kechiaser, o Tsüngrem nai onok atitangogo. Taribi tendangba ama nai onok tendangogo” (t.10). Tsüngremi asen tendangbaji asenok kuli asütsü atema/metettsü atema tentanger. Pai Pa atema kecha kuli masür. Pai asenok telung tema ajak metetta lir. Pai asenok nungi langka kuli bushir. Tsüngremi asenok silver ama jenjang keta züngshir, aser ibaji tentangtsü asoshi tia ka nung yutsür aser iba jagi asenok tashi itshidaktsür.
Iba indang tanabuba tekong ana nungji reprangang. “Nai onok sang nung inok; Nai onok teperem nung khu taret benloktsü. Onok kolak manung nai nisung süngdaktsür; onoki mi aser tzü ajanga ao; saka nai onok takar linük kati aniok” (t.11,12). Iba yagi tamakok sayur. Onok mi aser tzü ajanga ao, saka onok takar linük kati anir aru. Takar tetezü “talubusa tetezü tzü aser süngjang lijang teperi alidak.” Yihuda arem kong David aiben Pa kija liasü aji takong lima liasü.
Ken züluri Pa tanaben iba mita jagi anir aru ta mashir. Pai ashir, “Tsüngremi anir aru, aser ibaji ajanga Tsüngrem kü den aor. Aser kodang Pai ni anitet, ni takar linük ka nung alitsü.” Kodang asenok timtem ajanga aor Tsüngremi teti asenok takar kümdaktsür. Asenok Yisu mesük kümdaktsü Pai tentanger aser kuli asür.
Tsüngremi tentangbaji merüktettsü aser tashi asoshi lir. Iba jagi asenok Yisu mesük kümdaktsür. Tetentangba ajanga na tanü tasü meiti lir asü ? Tasü itang Tsüngremi na angur aser ne tetentangbaji Pai na yanglutsü asoshi amshitsü.