Kechisarena nung tenünsang agüjang

“Kechisarena nung tenüngsang agüjang, kechiyong nenok asoshi Khrista Yisu nung ya Tsüngrem mulungba lir. ” I Thes. 5:18
Tenüngsang agütsütsüji kanga tajung aser tongtipang shilem ka lir. Aiben tenüngsang agütsütsüba ya amadoker. Kechiba tenüngsang agütsüba sentong akar? Tsüngremi asenok konang nüngsang aginur masü mesüra as en ok dak kuli tajung ka aliba jungkai adokdaktsütsü atema masü saka tenungsang agtsütsü ji tongtipang ta angatettsü mechi iba tenüngsang sentong akar.
Tenyar Paul-i ajungshibaji, tensa mapang ajak atema tenüngsang agüjang ta masü, saka tensa ajak nung tenungsangji agütsütsüla . Pel a alidang, kaa ita alidang, shirang dang, tasü tama ajuru dang mesera tamakok angudang.etc item tensa mapang ajak nung tenüngsang agütsü tettsüla.
Jashia temulung zürepa alidang koda tenüngsang agütsütsü ta bilemtsü akok, saka iba ya asen temulungtetba dak keta lir. Mulungsoa Tsüngrem nem tenungsang agütsüra Pai sayatenya agi asen jashi mulung süneptsütsü aser iba talenba nung jagi salatsütsü. Tenungsang agütsüba jagi na mulungjashia aliba ji aneptsür. Paul sayutsüngiri ashibaji, tenüngsang agütsüba ya yimya ka nung dang kuli ka ama inyaktsüba masü saka asen shisatsü aser mulungsentsü ajak agi tensa ajak nungji tenüngsang agütsüdi,
Sarasadem : Tensa ajak nung, O Kibuba, ne nem tenüngsang agütsütsü kü nem shisatsü kuama. Amen