Kechiyong kechisa nisungi prokdir ajisa pai arutsü (Gal. 6:7)

Ni ngua arubabo, shirisa temenen lu inyaker aser tamajung metsü proker, parnoki aji arur (Yob 4:8). Kechiyong parnoki mopung prok, aser parnoki Tsüngrem mopung arutsü: mo dong noktaka mali tsük madoktsü; adok asünunga aji bendangertemi achitsü (Hosea 8:7). Shibai pei shi nung prokdir pai shi nung tesama arutsü: saka shibai Tanela nung prokdir Tanela nung teti taküm arutsü (Gal. 6:8). Temeshibaji timtem nungi kümzüker, saka tamajunger aji agiang air (A.Shin 11:8). Aser asenoki tajung inyakba nung melakli, kechiyong asenoki temulung makai mekümra, mapang shitak nung arutsü. Anungji asenoki mapang ajak nung inyaklen lira, nisung ajak asoshi, aser tongtibangsa tamangertem asoshi tajung inyakdi (Gal. 6:9-10).
Nisung kati mukurai agütsür, saka tali akar; tangar kati pai tagütsütsü tim sota ayur, saka tanüng dang tendaktsür. Tejungnüba takümji kaa kümdaktsütsü; shibai tzü ainer pa dak tzü indaktsütsü (A.Shin 11:24,25). Saka shibaisa kurua prokdir pai kurua arutsü, aser shibai jenti prokdir pai jenti arutsü (2 Korint 9:6).
Temoatsüba Oba, Nai kü dang ajungba angatetta, nüngdakba purtem dang tajung inyaktsü kü dang yariang. Amen.