Kechiyong kenpiga nung, tarutsübaji arutsü menua malitsü

Aser Kibubai kü dang langzü aser ashi, Mangdangji züluang, aser shibai züngdir, pai asemtsüsa lungpak nung jangjaa yujang, kechiyong mangdangji ano teshimtet mapang asoshi lir, aser aji tatembangleni ilunger, aser meyazütsü, aji menua liaka, iba asoshi ataa liang, kechiaser aji arulanglang aser aji menua malitsü.
Saka Temeimbatem, Kibuba tsüngdang anogo kaji küm meyi ka ama, aser küm meyi kaji anogo ka ama lir. Iba O ya nenoki tama. Kari menur ama bilemer, Kibuba pei tenangzükba indang memenur; saka shinga mesamadaktsünür, saka ajak temulung meyipba dangi arudaktsünüa nenok tsütsü Pai talangka aremzüker. Saka, O Kibuba, Ne yimlibilem aser taochi Tsüngrem; ain adoktsü meilungi, temeim taochi aser ochi nung talupusa. O Nai anüngtem rakpoker, tenemtem Ne tsüngdang arakzütsü Na alu asübo mesüra tenarongi mangashidangba, tenüki ne Tsüngrem dak alema mungudang, shibai Pa asoshi ataa alirtem asoshi inyaker.
Ibri 10:37; Hab. 2:2,3; 2 Peter 3:8,9; T. Ken 86:15; Isa. 64:1,4.
Kibuba, Na arudang ni renema lidakjang. Amen.