Kei Nishikori-i Barcelona Open semifinal asayatsü

Barcelona, April 22 (Agencies): Defending champion, Kei Nishikori-i Ukraine nunger Alexandr Dolgopolov madak takok ngua tang tasayadak Barcelona Open tennis asayamong semifinal asayatsü jenjang tanü, Hokolbar nü nguogo.
Japan nunger Nishikori-i points 7-5, 6-0 ngua Dolgopolov quarterfinal asaya nung tsükdaktsü.
Nishikori-i tan agi Barcelona Open asayamong asaya 13 buba atonga akoker lir.
Tebur World No. 6, Nishikori-i Tunisia nunger Malek Jaziri madak points 3-6, 7-5, 6-1 agi akoksang, France nunger Benoit Paire den asüng, Honibar nü semifinal asayatsü.