Keira Knightley-i lar jala tenüng yimjak nung metetdaktsü

Los Angeles, August 12 (Agencies) : Hollywood actress Kiera Knightley-i ashiba agi la tetsü akümba ajanga tasütaitba kümogo.

Arishi küm 30 tain Knightley aser la kinungbo James Righton na taküm May ita tanur mezüngbuba aso saka iba osang ya lai yimjak nung tejangja memetdaktsüi dang liasü.

Tawa tu Elle magazine den sensaksemdangang Knightley-i lar jala indang tenüng mezüng yimjak nung metetdaktsü aser tenüngji Edie lir.

Knightley aser Klaxons kentener Righton na 2013 küm Provence, France nung kibong aküm aser la tanur bena lir ta olulu aika jembia aruba sülen December 2014 nung la mashisa ta Knightley-i osang metetdaktsü.