Keith Urban aser Taylor Swift nati külemi shilem agi

October 05, 2015: Kentener Taylor Swift kenten sentong nung model tem aser kentenertem densema nüngtugu nisung aikati la kentenba sabang nung la den külemi shilem agia arudar aser maneni Toronto nung la kenten sentong ka nung country kentener Keith Urban-i la den külemi shilem agia ken tenogo.

Swift aser Keith nati “John Cougar, John Deere, John 3:16” ken atenba sülen Keith-i “Somebody Like You” ken aten, ta Entertainment Weekly ajanga metetdaktsü.

Kentenba sabang nungi Swift-i lokti dang, ” Kanga jangratemtsü nisung ka sabangi atutsü. Iba nisungba indang record million 20 million yokogo, saka tongtibangtibaji, paji jangratemtsü nisung ka,” ta ashi.

Arishi küm 25 Swift-i la aser Urban na külemi tangokba ‘black and white’ noksa ka lemsatepogo.

“Pai kü dang tajung aika inyaka aruogo. Kanga sempet aliba sojasor rongnung pa ka lir,” ta laisa ashi.