Kejriwal film ‘Insignificant Man’ film reprangtsüla: Sonam Kapoor

New Delhi, September 07 (Agencies): Tan Deobarnü Toronto Film Festival nung Delhi Chief Minister, Arvind Kejriwal temaba jenjangi atuba otsü documentary, ‘An Insignificant Man’ sayatsü, aser Bollywood actress Sonam Kapoor-ia iba film ya jangratemtsüka lir anungji ajaki reprangtsüla, ta shiogo.
Iba documentary nung film yanglurtem- Khushboo Ranka aser Vinay Shukla nati Kejriwal anishir, aser tenati pa dang “Bernie Sanders of India” ta ajar. Iba film otsüji tatsü nung Toronto Film Festival indang web site nung agüja lir.
‘Kejriwal-i India nunger yimtenren jenjang aser ochimashi jenjang ka nung pa Common Man’s Party tekolak akümer,” ta otsü nung shia lir.
‘An Insignificant Man’ film ya Ranka-i direct asü aser Anand Gandhi-i produce asü.
Gandhi-i ashiba agi, minute 95 film ya atangji tatalokbatem ghonda 400 video noksa nungi agitetbatem lir. Iba film ya küm ka shi agia tangok.
Iba film atema India nunger aikati senotsü agi yari aser nisung 800 jungnüa nungita liasü.