
New Delhi, January 05 (Agencies): Delhi Chief Minister Arvind Kejriwal-i tiyazü jembia kü tenüng menüktsüogo ta tai tonglokja, Finance Minister Arun Jaitley-i Mongulbarnü court nung ken o ka benokogo.
Kejriwal den Aam Aadmi Party (AAP) lenir parnok pongu anema Arun Jaitley-i ken o benokogo.
Jaitlay-i benokba ken o ya Chief Metropolitan Magistrate Sanjay Khanagwa-i agizüka yuogo. Pai iba ken o benoktsü court-i aoba mapang security kanga sashia anir oa liasü.
Tarutsü nung tetsükdaktsü madoktsü atema iba ken o benokba maparen ajak camera agi tangoka yuogo.
Kejriwal den AAP nungi lenir parnok nisung pongui ni anema tiyazü küli kar agüja kü nem tenüng menük tulu bentsür aruogo, ta Jaitley-i ashiba court sangdong kar ajanga metetdaktsü.
Kejriwal, Kumar Vishwas, Ashutosh, Sanjay Singh, Raghav Chadha aser Deepak Bajpayee nungeri pa tenüng menüktsüba atema tasüngdangba akatsüla, ta Jaitley-i court nem temepishiba ka agütsüogo.
Jaitley atema küli ka ama court-i India TV nung medenbuba aser editor-in-chief, Rajat Sharma-i ashiba otema züluoka yuogo aser iba ken o February 3 nü angadangtsü lemteta yuogo.
You must be logged in to post a comment Login