Kejriwal-i maneni Delhi state jenjang akhanger

New Delhi, August 13 (Agencies): Tanü Delhi Chief Minister, Arvind Kejriwal-i maneni Delhi state jenjang atema jembiogo.
Delhi mezüng Chief Minister, Chaudhry Brahm Prakash indang kürakyanglu lapoktsüba sentong nung jembidang Kejriwal-i Delhi High Court-i obendang agütsüba aija jembi.
Asür Brahm Prakash’er jabasoi, Delhi state jenjang angutsü atema tebui kanga meranga raraogo ta ashi.
Kejriwal-ia, “Onokia Delhi state jenjang atema rarar. Onokia nüburtem temeten atema rarar,” ta ashi.
Chief Minister-i ashiba agi, Delhi nung Lt Governor tongti kümdaktsübaji Delhi nüburtem mezüngmeshiba lir, iba den külemi 2015 küm February ita nung assembly election mezüngmeshiba lir.