Kelei Zeliang’er kibong züngsemtem amokmerenbaji NSMEA-i aitsür

Dimapur, August 23 (TYO): August 21, 2017 aonung mejangjaba nisung kari prangpong amer Secretary RD & Commissioner (MGNREGA), Kelei Zeliang’er kidangi tua kidang alir kibong züngsemtem amokmerenba tatalokbaji Nagaland State MGNREGA Employees Association (NSMEA)-i sashia aitsür, ta NSMEA Tir, Mathew Yhome aser tongti tezülur, Imtizulu Phom nati tanü sangdong ka ajanga metetdaktsü.
“Iba tatalokba aonungji tia kaa Kelei Zeliang kidang maliasü, mesüra kechi ataloker lila. Iba den külemi Tsüngremi pa taküm kümzükba atema association-i Pa nem tenüngsang agütsür. Anungji Association-i ozüng amer agency dang iba tatalokba bushisüngdanga tekaraba nung aibelenertem aputsü mepishir,” ta kasa sangdong ajanga metetdaktsü.