Kelly Clarkson ‘American Idol’ nung shilem agidang ajep

February 27, 2016 : 2002 küm “American Idol” korang angula, kentener Kelly Clarkson tawa American Idol sentong nung shilem agidang temulung shiranga nüktzü alua ajep.
La ya tan American Idol sentong nung tetendanger balaka amai jaoka liasü. Iba sentong tatem nung lai ken ka ajanga shilem agidang ken tom ka tener külen nüktzü alua ajepba ajanga kentener Keith Urban aser Jennifer Lopez nata nüktzü alu, ta eonline.com osang ajanga metetdaktsü.
Lai iba sentong nung “Piece by piece” ken atendang yangji sentepa alir nüburtem ajak temulung shiratep.
Iba den külemi la tesüiba mapang American Idol nung toktepdang tangokba video-a kar la nem reprangdakja liasü.