Kelly Clarkson indang studio kensep 8buba sangküm sayatsü

Los Angeles, November 11 (Agencies): Kentener, Kelly Clarkson-i, la indang kensep tasenbaji sangküm June ita nung sayatsü sentong lir, ta metetdaktsü.
‘My life would suck without you’ ken atenla Kelly-i 2015 küm kensep ‘Piece by Piece’ sayaa liasü, aser lai Atlantic Records den tezüngzüktep agiba sülenbo tang mezüng kensep tasen ya sayatsü, ta aceshowbiz.com osang ajanga metetdaktsü.
Laisa la sapurtem dang, la indang kensep tasenbaji rock pop masü saka ‘soul urban pop’ kenten asütsü, ta metetdaktsü.
“Ibaji kü personality den mesüktepa lir,” ta lai ashi.
Clarkson-isa, “Iba ya ‘Amreican Idol’ sentong nung ni repranger nisungtemi kü dang nungi imlaba (kentem) ama asütsü. Ni Aretha (Franklin) ken aika aten, ni Tina (Turner) meimer, ni Mariah (Carey) meimer, ni Whitney (Houston) meimer,” ta ashi.
“Iba ya mezüng nungi nisungtemi kü dang nungi imlaba ama asütsü ta ni bilemer. Kü kentem ajakji ni meimer. Ni kü mapatem (ken) ajakji meimer, ajisüaka iba yabo ni junior high mapang indang lir. Ni junior high mapang aliba music ji ta meyipa arudar. Tang arishi küm 15 purtemi R&B angaba ama ni-a high school mapang angaa liasü,” ta kentenerisa ashi.
Taoba mapang American Idol nung shilem agila Kelly-i, “Mezüngbuba kenji April nung sayatsü aser kensepji June nung sayatsü. Iba ya record asütsü atema ni `American Idol` mapang nungi yongyaa liasü,” ta laisa shisem.