Kelly-i ‘Baywatch’ nung Pamela shilem agitsü

January 5, 2016: Model Kelly Rohrbach-i “Baywatch” nung tesüiba mapang Pamela-i shilem agiba melenzüktsü aser lai C.J. Parker ama shilem agitsü jangjaogo.
Seth Gordon-i direct asütsü aliba film nung ya Dwayne Johnson aser Zac Efron natia shilem agitsü.
“San Andreas” film nung shilem agila actress Alexandra Daddario-i Summer ama shilem agitsü, iba shilem ya mezüngbo Nicole Eggert-i agia liasü.
Johnson-i film nung Rohrbach tenati shilem agiba video tatsü ka Instagram nung lemsatepogo, ta variety.com-i metetdaktsü.
Johnson aser Dany Garcia nati tena meyong Seven Bucks Productions nung iba film produce asütsü.
Rohrbach atema iba shilem ya danga mapang lai shilem agiba ajak dang tuluba asütsü.