Kelly Marie Tran-i social media toktsür

Aami 07, 2018 (Agencies): ‘Star Wars: The Last Jedi’ nüngtugu film nung ‘Rose Tico’ shilem agila, actress Kelly Marie Tran-i social media toktsüogo. Taoba ita ishika tsüngda social media nung Kelly dak amokmerenba ajangshia aruba sülen lai iba sabang toktsütsüsa kümadok.
Tentonü/Monday osang ajanga angazükba agi, ‘Star Wars’ fan account @SWTweets nungi Kelly-i la indang Instagram posts ajak delete sür külen ‘black and white’ profile photo ka den “tsübur, saka inyaktsüsa akümer” ta zülutsür lemsatepa liasü.
Character ajak abensa yangluba nüngtugu series nung Kelly-i tongti shilem agia liasü. Ajisüaka, iba film nung Kelly indang performance, terprangtsü aser Asia nunger asüba ajanga ‘Star Wars’ fans temi la kanga aija jembi.