Kellye Nakahara arishi küm 72 nung süogo

Tsüklai/February 18, 2020 (Agencies): ‘M*A*S*H’ nung tongti shilem agila Kellye Nakahara mapang tatsüka cancer tashidak agi shirangba sülen, la arishi küm 72 nung süogo.
Iba sitcom – ‘M*A*S*H’ star, shibai Mobile Army Surgical Hospital atema Lieutenant Nurse Kellye ama shilem agi, la ya, la talidak Pasadena, California nung Deobarnü (16.02.20) asü, ta osang ajanga metetdaktsü.
TMZ.com sangdong ka ajanga angazükba agi, Kellye asüba mapang lar kinungertem-a adenshia liasü.
Kellye-i la kinungbo David Wallet toktsür süogo. Tena ya 1968 küm kibong aküm aser tena den tanur ana Nalani Wallet aser William Wallet den semchir ana sosema lir.
Kellye, shibai watercolour artist ka kümnüa liasü, 1973 küm lai mezüng Korean war comedy nung shilem agiba mapang nungi la nüngtugu aküm.
1983 küm tashi, Kellye-i iba program nung maneni takok ngua shilem agia liasü.
Iba series finale, koba nüngja ‘Goodbye, Farewell and Amen’ liasü, iba series tatembangbuba ya television putiotsü nung nüburtemi kanga dang spua reprangba episode ka aküm, kong million 105 agi repranga liasü.
Iba Korean war comedy nung takok ngua shilem agiba sülen, Kellye-i ‘Clue’, Eddie Murphy indang 1998 version – ‘Doctor Dolittle’ aser ‘Sabrina, The Teenage Witch’ film tem nung shilem agitsü asoshi maongka ngua liasü.
Burbank kübok Providence Saint Joseph Medical Centre nung M*A*S*H co-creator Gene Reynolds arishi küm 96 nung asüba sülen hopta ka lir Kellye asü, ta sangdong ajanga metetdaktsüogo.