Ken atentsü atema sen mn. 2 agütsütsü Taylor jaok, saka lai magizük

August 23, 2015: Billionaire ka kiyimba sentong nung ken asem atentsü aser sen taa Pound million ana agütsütsü asoshi ‘Blank Space’ ken atenla Taylor Swift jaoka liasü, saka lai ibaji magizük, ta osang ka ajanga ashi.
Takar nisung kati kiyimba sentong nung ken atentsü atema arishi küm 25 kentener Swift jaok, saka lai ibaji magizüki Los Angeles-i ang oa lar medemer aser model/actress Jaime King’er jabaso hopta pongu tain Leo tzüsentsüba sentong nung ang aden.
Iba sentong nungji adener kati, ”Taylor-i la ken backing track ang kar bener aru, aser ‘Love Story’, ‘I Knew You Were Trouble’ aser ‘Red’ ken densema ken tajung aika aden,” ta ashi.
“Laisa Leo la kabo nung ajunger tanur kensü ka aden. Ajisüaka idangyongjisa pa arr-a ajep, anungji lai tanurji tetsü ket nung agütsü,” ta kasa osang ajanga ashi.