Kenenisa Bekele London marathon asemtsü, World record yanglutsü nükla lir

London, January 09 (Agencies) : Alima otsü nung tang marathon asemer tekaratiba rongnung tanabuba Kenenisa Bekele-i ano April ita London marathon nung mile 26.2 asema world record yanglutsü nükjidong lir.
Ethiopia nunger Bekele ya alima nung asemteper tajungtiba rongnung ka lir aser pai 10,000 aser 5,000 metres asemtepba nung world record yanglua lir. Pai yaküm September ita Berlin nung gondha ana, minute asem aser second asem agia asemba agi 2014 küm Dennis Kimetto-i 2:02:57 asemba tera agi memenepi lir.
Rio Olympics mapang Ethiopia telok nung pa maniok ajisüaka pai iba mapang nungi marathon nung mongin aküm.
Arishi küm 34 tain, Bekele ya asemtepba tapu balala pungu nung temaba jenjangtem nung lir.
“London nung marathon asemtsüji kanga junger aser ni takok angutsü jangrar. Yaküm tasembuba adokba sülen takok angutsü atema kechi inyaktsüar ni metetogo,” ta Bekele-i sangdong ka ajanga metetdaktsü.
Iba asemtepba nung Bekele den tetokteper tulutibaji 2015 küm New York City Marathon nung takok angusang, Biwott-i asütsü ta jembir.