Kentener Abhijeet-i tetsür dak yimya masüba benshi

October 23, 2015: Arishi küm 34 tain, tetsür kati la dak yimya masü benshiogo ta kentener Abhijeet Bhattacharya dak tai tonglokja Oshiwara police station nung Brihostibar aonung FIR ka benokogo.
Lai ashiba agi iba ya Lokhandwala Durga Pandal nung atalok. Iba sentong ya Abhijeet-i ayonga liasü. Andheri, Mumbai nung alir tetsürla ya kentener Kailash Kher-i ken atenba reprangi aruba mapang iba ya atalok. Ken atenba sentong reprangdang nisung onsara asüba ajanga junga manguba agi junga angutsü atema la nokdak. Iba mapang lokti kanga ola adoka liasü.
Lai, la nokdaka aliba mapang Abhijeet-i la dak metangshitsüla shilem tem nung tangshi saka lai yamaji nung ta ashidang Abhjieet-i telok jakdang la dak teka ai, ta police dang ashi.
Laisa, iba sülen acha achayanger nem ni Pandal office-i anir yoka yangji amokmerenba sülen sentong nungi aridok, ta ashi.
Police temi Indian Penal Code (IPC) kübok Section 354 A (Molestation) 506 & 34 nung ajemdaker Abhijeet anema ken o ka benokogo.
Abhijeet-i onoki call asüba magizüker, saka iba dak sentakba nung pai text ajanga dang telangzüba agütsü, ta police temi ashi.
FIR kecha hau ta melii pai, “Ni memetet!! Ni telok azüokerba dang lir. Police aser security tem pei mapa inyakang. Ya Hindu nunger benjung aser Hindu anemertemi lendong balala agütsütsü meranger, onoki ibaji kanga junga meteta lir” ta ashi.