Kentener Ket Meth-i music video tasen ka sayaogo

Dimapur, Aami/June 28 (TYO): Viketoulie Metha shiba dang Ket Meth ta-a ajar, pai tawa sayaba ken “Down” indang music video ka sayaogo.
Arishi küm 19 tain Naga nunger kentener yagi ashiba agi, iba ken ya timtem mapang asenok ajaki ajanga aoba tajangshiba balala indang lir. Iba ya tejashi, azüngmeyak agi sünga aliba rabbit hole kati aiba ama lir, koba asenoki aiben lemsateptsü makoker, ta pai ashi.
“Ni asenok ajaki ajangshiba indang aser tensa den peta ken ka tennüa liasü aser yamaji iba ken ya mejema tenogo,” ta pai ashi.
Iba ken angatsü jangrartemi YouTube nung video reprangtettsü aser iTunes aser Spotify nung ken stream/download sütettsü. Link; https://www.youtube.com/watch?v=UzyGXxuNe0E