Kentener Matt Roberts arishi küm 38 nung süogo

August 21, 2016 : Rock kentener 3 Doors Down telok nung tesüiba mapang guitar atemsang, Matt Roberts arishi küm 38 nung iba lima nungi pilaogo.
Pa ya Honibarnü (20Aug16) Milwaukee, Wisconsin Hotel ka nung sür lia angu. Pa dak mapet mozü kar züluja itemji achiba sülen asü amai bilemer, ta tebu Darrell-i TMZ.com osangbenertem dang ashi.
Matt ya Honibar nikongdang Milwaukee nung charity sentong ka nung shilem agitsü liasü, anungji pa Honibar anepdang 1:00 ako tashi ken bushia liasü. Iba sülen pa hotel takdangi ia mejang. Iba anepdang 9:00 meta police-i ni arua meso aser jabaso aonung süogo, ta osang agütsü, ta Darrell-i ashi.
3 Doors Down kentener telok ya pa den Brad Arnold aser Todd Harrell na dena 1996 küm tentet.
Matt temang nung azü jajaba mesatemi shirangba ajanga, telok tenteter Küm tenet sülen, 2012 küm, pai telok toktsü.
Pa asüba sülen pai toktsüba kentener telok nungi ano osang kecha mangashi.