Kentener Natalie Grant thyroid surgery agitsü

Nashville, Tenn. September 22 (Agencies): Contemporary Christian kentener Natalie Grant October aser November ita tsüngda thyroid surgery agitsü.
Brihostibarnü Natalie Grant-i Facebook nung la atema sarasademjang ta temepishiba ka sangdongogo.
Doctor temi küm aika la indang trok nung tumors mesüra nodules repranga arur aser October 10, 2017 nü la indang trok tesadang ka endoktsü, ta Grant-i Facebook nung osang lemsatep.
Lai Tsüngrem dak tamang akar aser nisungtemi la atema sarasademjang, ta laisa shisem.
Grant-i Gospel Music Association indang Dove Award (female vocalist) punguben tashi nguogo aser lai atenba kentem rongnung “Hurricane,” ”I Will Not Be Moved,” aser “Held” tem kanga nüngtugu lir.
Grant-i Danny Gokey den külemi November 30, 2017 nungi “Celebrate Christmas” tour tenzüktsü sentong lir aser ibaji memelenshir ta osang metetdaktsüogo.