Kentener telok shingaia Beatles matoksatsü: Paul McCartney

July 05, 2015: Nüngtugu kentener aser kenzülur Paul McCartney-i tang aliba kentener telok shingaia par telok The Beatles matoksatsü akok, ta ashi.
“Asenoki iba ya mamatokli, tebur pezüji kangasa junger asü. Beatles dak aketba ama tanga telok ka nai shitettsü asü,” ta taoba mapang kenetener telok Beatles nung züngsem Paul McCartney-i ashi.
“Onokji balaka liasü ta onoki meteta liasü. Tanga telok dak maketba langka onok dak keta alibaji onoki meteta liasü: Lennon indang sempet, intelligence aser tesangra yimya, McCartney indang kensü ola den pa dak aketba sempet ajak, Harrison indang tamang, Ringo dak asayamenü sempet aser drum junga atemba. Onok ajaki ken aten, aser ibaji kanga tasak,” ta pai ashi.
Arishi küm 73 McCartney-i, tanü-asüngbo ken kanga junga zülurtem mali, ta ashiba osang Esquire ajanga metetdaktsü.
Tanü-asüngbo item amaji kangabo mangur. Onoki ola adokdaktsübaji nisung pezü atemba ola liasü. Onok mapang tetemsü ka nung aru. Onoki ken tajung kar züluogo.