Kentener Zayn Malik tetsüng yirur lir

New York, April 30 (Agencies) : Tesüiba mapang kentener telok, One Direction nung dena alisang, kentener Zayn Malik tetsüng tabelen yiruba ajanga pa tetong aser model Gigi Hadid’er kidangi wheel chari ka nung nunger aru.
Zayn-i pa yirur liaka tetong den ajurutepibo ao aser ibaji ajanga pai Hadid meimba tali jungkai adoka sayur.
Noksa kar nung pa wheelchair ka nung mener tangoka lir.
“Zayn tetsüng yirur lir, ajisüaka pa junga lir aser ajungtsü,” ta pa atema inyaker kati ashi.
Zayn aser Hadid na 2015 November ita nungi medemtsü tenzükba sülen nungi mapang aika nung tena külemi angur.