Kententsü ya Chopra tem zü nung lir: Parineeti Chopra

Dubai, March 20, 2016 : Tang “Meri Pyaari Bindu” film nung shilem agia ken dena atentsü alila, actress Parineeti Chopra-i, kententsü ya Chopra tem zü nung lir, ta ashi.
Arishi küm 27 tain, Parineeti ya Hokolbar aonung TOIFA sentong nung ketdangser ka liasü aser iba mapa lai Zoya Akhtar-i direct süba “Dil dhadakne do” film nung aliba “Dil dhadakne do” ken atenba ajanga nüburtemi kanga sapua kümogo. Iba den külemi la ken atentsü maongka anguba asoshi lar kinungertem kanga pelar.
“Ni ken atentsü osang angashia ozü kinunger ajak kanga pelatep kechiba süra kinunger ajaki ken tenteter. Chopra tem zü nung kententsü sempet lir ta ni bilemer,” ta Parineeti-i ashi.
“Ishaqzaade” film nung shilem agila, Parineeti ya Maneesh Sharma-i produce asütsü aliba “Meri Pyaari Bindu” film nung nüngtugu kentener ka akümtsü meranger ka ama shilem agitsü. Film nung actor Ayushmann Khurrana-a la den külemi tongti shilem agitsü.