Kenü kinüngtsü aser kinungbo dena sensaksemer

Kinungtsü : Hai, temeim kinungbu nü dang ashitsüba mapang madoker dang ashi, ni ya yakta nungi aginüa liaka ni tanü ang bilemteta aru nungji ina na office sodi kodang südir nai mamai kü nem Tweezer tajung ka alia bener arujangma.
Kinungbu : Waaa… ano dang na tanur ajak sotempongtemer ano dang Tweezerji kechi nüngdak nung amshitsüba yamaji nüngdaka kü dang ashir aka.
Kinüngtsü : Ya, odang ajibo ni nü dang tesülen ashitsü-ar odang aji tamadokma. Oda ni ya kangasa timtemer ako, tanü asüng ya kü tenük agi junga mangur aser nai ni timtemba ya kecha memetetter ako.
Kinungbu : Hoi, oda nai kü dang kangasa nüngdaka ashiba ama ni osetji tajung ka alia bener arutsüogo no.
Kinüngtsü : Waama, kangasa pelar adi, oda asen kibong nung nai teti Ak shi dang chiner aser ajia Deobarnü Assam nung Akji tezüng memerok aliba shi dang bushia alia bener arua kidang toktsü, anungji koda masü aji tzü mulu tatsük nung leter tanüngba tezüngji indoktsübaya kechi tasa ang mesayanger, aji agi nü dang Tweezerji tajung ka alijang ta ashiba adi.
Kinungbo : Hauja, koda masüba agi ashi, shiti sürbo asen tamangerbo Deobarnü amala anogo nung shi, ango amala alia awazüa chia jema masüba ang tajungba sür nung oda anadi tepang mazüoktetba agi Deobar anogo raksar dang ako, anungji iba ya asen kidang kiyonger dangbo ola tatokma no!!!
                                               Lilir : Mr. S. Repa Pongener, Near DC Court, Dimapur.