Kenya nunger David Rudisha Olympics gold medal tanabuba nguogo

Rio de Janeiro, August 16 (Agencies) : Rio de Janeiro nung Kenya nunger David Rudisha-i Olympic 800m final asemtepba nung takok ngua pai tan Olympic nung gold medal ana nguogo.
Hombarnü iba asemtepba nung arishi küm 27 tain, Kenya nunger David Rudisha-i Algeria nunger Taoufik Makhloufi dang nungi second 0.45 agi tekaraba asemzük. Pai iba asemtepba minute 1 ser second 42.15 nung asemzük, ta Xinhua news agency ajanga metetdaktsü.
Iba tetoktepba nung US nunger Clayton Murphy minute 1 ser second 42.93 agia asemzüka tasembuba jenjang nung takok ngua bronze medal angu.
Kasa asemtepba nung France nunger Pierre-Ambroise Bosse-i minute 1 ser second 43.41 agia pezübuba aser Kenya nunger Ferguson Cheruiyot Rotich-i minute 1 ser second 45.55 agia pongububa jenjangtem nung asemzük.
Rudisha-i London 2012 Olympics mapang 800m mapang tatsütiba agia asemzükba otsü yanglua lir aser pai tan iba mapang dang nungi second 1.24 agi tesüba asemzük.