Kenya’er Kipketer-i Mumbai Marathon akok

Mumbai, January 17 (Agencies): Kenya nunger toktepa asemer, Gideon Kipketer-i India ajunga nung tongti tetokepba, Mumbai Marathon tetoktepba koka gold medal tanü, Deobar nü agizükogo.
Kipketer-i mapang 2:08:35 nung kilometer 42.195 alizüng mezüng tonga gold-ji agizükba den külemi, Uganda nunger Jackson Kiprop-i mapang 2:09:32 nung alizüng tonga yangluba otsüa ajangateta tekaraba mapang nung alizüng mezüng atonger otsü yanglu.
Kipketer-i gold medal den külemi, senpet sena dollar sen 56,000 agizük.
Kipketer sülen anidaka, Ethiopia nunger Seboka Dibaba aser Kenya nunger Marius Kimutai nati alizüng mapang 2:09:20 aser 2:09:39 nung tonga silver aser bronze medal agizük.
Ethiopia tsür, Shuko Genemo-ia mapang 2:27:50 nung alizüng tonga tetsür shilem indang gold medal agizüka liasü.