Kerala actress, Rekha Mohan tasümang angu

Thrissur (Kerala), November 13 (Agencies): Honibarnü Film aser TV actress nüngtugu, Rekha Mohan tasümang lar kidang angu, ta police-i ashi.
Arishi küm 45 actress, Rekha-i nüngtugu actor, Mammootty (Udyanapalakan film nung) aser Mohanlal (Yathramozhi film) nunger den shilem agia aruogo aser nüngtugu TV serials nunga shilem agia liasü.
Osangbenertem den jembidang Viyyur police station nung ketdangser kati, la tasümangji lar kidang (para ki) angu, ta ashi.
Paisa, “La kinüngbuji bendanglen inyaker, aser la dang nungi telangzüba maliba ajanga onoki kiji lapokba sülen tasümangji angu,” ta metetdaktsü.
“Ken o ka benokogo aser tasümangji post mortem agitsü atema bener ogo,” ta police ketdangserisa metetdaktsü.
Anogo ana tejaklen Rekha iba kidang jagi arua liasü.