Kerala Assembly nung GST Bill agizük

Thiruvananthapuram (Kerala), August 17 (Agencies): Brihostibarnü Kerala Assembly nung Kerala State Goods & Services Tax Bill, 2017 agizükogo.
Assembly nung iba onük nung o lemtepdang opposition lenir, Ramesh Chennithala-i GST mapa küma inyakba sülen osettsüset nung jenjang kanga tuogo, anungji iba atemaji state-i inyaktsüla, ta ashi.
O lemtepba tembanga state Finance Minister, T M Thomas Isaac-i, GST ajanga kongshiba small & medium enterprises nem subsidy agütsütsü atema inyaktsü, aser Legal metrology department-i market nung jenjang atuba mita reprangtsü, ta metetdaktsü.