Kerala Blasters puri Wes Brown aliogo; Dimitar Berbatov alitsü akok

August 16, 2017 (Agencies): Kerala Blasters puri taoba mapang Manchester United defender Wes Brown Mongolbarnü sign asüba osang jangjatsüogo.

Blasters puri iba osang Twitter ajanga sangdonga liasü.

Iba osang ya Wes Brown-ia jangjashitsüogo aser pai ashiba agi, pa India nung asayatsü asoshi yongyaa atar.

Brown Manchester United nung küm 15 tashi asayaa liasü aser iba mapang nung pai Red Devils pur atema 232 ben asayaa liasü.

United nungi asayaba mapang nungi pai Premier League ponguben aser Champions League dena kokogo.

Ajisüaka iba osang ya Blasters fan tem atema osang tajunga tatembangbuba masütsü kechiyong Kerala puri ano taoba Manchester United striker Dimitar Berbatov alitsü akok.

Iba osang ya asangsang nung ataloka ora taruba ISL season nung Blasters pur kanga tashi tait asütsü.